Новости и объявления
«Тіл-мемлекет тәуелсіздігінің символы» атты олимпиада өтті
4 февраля, 18:42Өзге ұлт өкілдерінің 5-10 сынып оқушылары арасында қазақ тілінен «Тіл-мемлекет тәуелсіздігінің символы» атты ХІV республикалық қашықтық олимпиадасы өтті
Ақыл-ой және рухани дамудың, қарым-қатынастың құралы ретінде қазақ тілін меңгеруге деген қызығушылық танытқан, лингвистикалық қатынаста дарынды оқушыларды қолдау және анықтау мақсатында Қазақстан Республикасының Білім және ғылым министрлігінің «Дарын» республикалық ғылыми-практикалық орталығы Ұлттық тест орталығының КАЗТЕСТ жүйесін дамыту басқармасымен бірлесіп Мемлекеттік тілді дамыту қорының қолдауымен өзге ұлт өкілдерінің 5-10 сынып оқушылары арасында қазақ тілінен «Тіл-мемлекет тәуелсіздігінің символы» атты ХІV республикалық қашықтық олимпиадасының қорытынды кезеңін 2020 жылғы 31 қаңтар мен 2 ақпан аралығында Нұр-Сұлтан қаласындағы «NURORDA» халықаралық мектеп-лицей базасында өткізді.
Олимпиаданың қашықтық кезеңіне Республика бойынша 2470 оқушы қатысты, ең жоғары 59-60 ұпай жинаған оқушылар Нұр-Сұлтан қаласына қорытынды кезеңге шақырылды. Олимпиаданың қорытынды кезеңіне Республикамыздың барлық облыстары мен Нұр-Сұлтан, Алматы, Шымкент қалаларынан өзге ұлт өкілдерінің 5-10 сынып арасынан 37 оқушы қатысты.
Қорытынды кезенде қатысушылар лексика, грамматика және тыңдалым бойынша ҚАЗТЕСТ жүйесін дамыту басқармасының дайындаған тест тапсырмаларын орындады.
Олимпиаданың қорытындысы бойынша жеңімпаздар мен жүлдегерлер «Дарын» РҒПО-ның І,ІІ,ІІІ дәрежелі дипломдарымен, грамоталарымен марапатталды. Ең үздік жоғары ұпай жинаған 5-7 сынып арасынан Ли Арыстанға (Нұр-Сұлтан қ., ұлты кәріс), 8-10 сынып арасынан Кадимова Гульчинге (Жамбыл облысы, ұлты түрік) «Балдаурен» РОСО -ға жолдама тапсырылды.
Олимпиада аясында оқушыларға психологиялық тренингтер өткізілді, барлық қатысушыларға «Дарын» РҒПО-ның логотипі бар футболкалар және Мемлекеттік тілді дамыту қорының дайындаған «Тәтті алма» атты кітабы таратылды. Сонымен қатар, барлық қонақтарға Қазақстан Республикасының Ұлттық мұражайына экскурсия ұйымдастырылды.
Дереккөз: qazaq-found.kz
другие статьи
-
Слово «пожалуйста»
2 декабря, 22:58 -
ТУРИЗМ
7 сентября, 18:56 -
30 переведенных на казахский язык учебников презентованы в Нур-Султане
13 августа, 19:16 -
ФРАНЦИЯДА «АБАЙТАНУ» ПӘНІ ЕНГІЗІЛЕДІ
17 сентября, 19:16 -
КАФЕ. РЕСТОРАН / ДӘМХАНА. МЕЙРАМХАНА
8 сентября, 23:08