Читаем
Мұқағали Мақатаев - Түнгі Алматы
6 ноября, 13:06
Түнгі Алматы тұманы ашылғанда,
Алатауға ай келіп асылғанда
Нұр жанады, аспанның жұлдыздары,
Алматының үстіне шашылған ба?!
Сүйіседі көшелер көшелермен,.
Бір рақат сезесің еселенген.
Осы сиқыр қалада өскеніңмен,
Таңданасың туристей кеше келген.
Емен, терек еркімен қауышады,
Қайың менеи қарағаш танысады.
Алатаудан басталған ақ бұлақтар,
Алматыға жеткенше жарысады.
Алматыға жеткенде аң-таң болып,
Арықтармен ақырын тартар жолын.
Ашуланып бір сәтте тұра қалып,
Ағылады аспанға фонтан болып.
Судың аты – су ғой, ол бұғына ма,
Тау бұлағы көлшікке тығыла ма?!
Су сәулеге ұмтылып, сәуле суға,
Айналады ғажайып шұғылаға,
Сонда Алматы ұқсайды Құбылаға.
Ұзатылар қыздайын үлпілдеген,
Шақырасың назыңмен, күлкіңменен...
Жоқ!
Алматы – жүрегі Алатаудың!
Тау ұйқыға кеткенде бүлкілдеген.
// Мұқағали Мақатаев - Түнгі Алматы
другие статьи
-
В конкурс «Лучший преподаватель вуза» хотят внести изменения
6 октября, 8:10 -
Как работают библиотеки Акмолинской области
4 ноября, 10:57 -
-
С днём учителя!
4 октября, 9:45 -
Гарри Поттерді қазақша «сөйлеткен» кәсіпкер
19 февраля, 19:17 -
Памятник возлюбленной Балуана Шолака установили в Карагандинской области
10 сентября, 18:52
