Құрметті оқырман!

«Ұстаз – ұлы есім». Өзінің уақытын аямайтын, өзгенің бақытын аялайтын мұғалім кез-келген сый-құрметке лайық! Содан болар, мұғалімдер күні әлемнің көптеген елінде тойланады. Қазақстанда мұғалімдерді кәсіби мерекесімен құттықтау дәстүрі 1965 жылдан бастау алады. 

Мәртебелі мамандық – мұғалімдер күні биыл 3 қазанға келіп тұр. Бұл айтулы датаға орай, Нұрсұлтан Назарбаев Қоры байқау жариялап отыр. 

Біз оқырмандардан ең алғашқы немесе ең сүйікті мұғалімі жайлы қызықты әңгімелер күтеміз.

Қызығы мен шыжығы мол қызметтің маңызы я болмаса үздік ұстаздың өмірі туралы әңгімелеуге болады. Байқауға шығармашылық құттықтаулар мен ізгі тілек жазған авторлар да қатыса алады.

Сіздердің жазбаларыңыз біз үшін ерекше әрі құнды! Солардың арасынан ең үздік 20 пост таңдалып алынады. Ал жеңімпаздар сол үздік посттың арасынан кездейсоқ таңдалады.

Қатысушыларға арналған шарттар қарапайым:

1. Біздің аккаунттың оқырманы болу, осы жазбаға «лайк» қойып, «қатысамын» немесе «участвую» пікірін жазу.

2. Пост жазып (қазақ немесе орыс тілдерінде) және оны ашық жеке аккаунтқа (ұйымның аккаунты жарамайды) 2020 жылы 25 қыркүйек, сағат 17-ге дейін жариялау. 

3. Сіз жазған посттың астында (немесе мәтіннің ішінде) @nazarbayevfoundation белгісін қойып, #МеніңСүйіктіҰстазым және/немесе #МойЛюбимыйУчитель хэштегін қою керек. 

Балағат сөздер мен біреуді қорлаған жазбалар қабылданбайды.